علّقت الفنانة زينة على احتفال الفنان أحمد عز ببرائته من تهمة السب والقذف التي أقامته عليه.
وقالت زينة عبر صفحتها الشخصية على "انستجرام": "معلش بقي أنا ماكنتش ناوية أعلّق بس بصراحة كدبك اللي مالوش نهاية بيستفزني جدا... أولًا مبروك برائتك من قضية السب والقذف في حقي ولو إن مبروك من تهمة دي مش حاجة تشرف أوي يعني أنت ما أخدتش جائزة نوبل!!".
وأضافت: "كده كده ماكنتش هاسيبك تتسجن علشان ولادك مايبقاش أبوهم رد سجون.. ارجع بقي من لندن اللي أنت مستخبي فيها يا دكر ومتخافش.. مش دي صورتك هناك، أما بقي لو جبت سيرة ولادك وقضية النسب دي تاني، هيكون ليا تصرف تاني معاك وبالقانون، لأن القضية اتقفلت لآخر يوم في عمرك".
وتابعت: "بطل كذب.. بطل تضحك علي الناس، لأنهم مش هبل، واتلهي في شغلك ومعجباتك اللي تعرفهم معرفة شخصية من قلتهم.. وكفاية بقي الناس عرفت حقيقتك، وياريت تبطل تستغبي الناس، والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا، لكن الحمد لله حتي يبلغ الحمد منتهاه حسابك عند رب العالمين شايلهولك كله في الأخره ومافيش أعظم من حساب ربنا، وابقي روح لربنا قله أقسم بالله، يارب أشوفك وانت بتتحاسب يارب".
