احتفل عدد من نجوم مسرح مصر، بعيد ميلاد زميلهم علي ربيع، برسائل كوميدية وطريفة، وذلك على مواقع التواصل الاجتماعي.
ونشر «أوس أوس»، صديق علي ربيع صورة لهما معًا، على موقع التواصل الاجتماعي «انستجرام»، وهما يرتديان زي لصوص، وكتب له: «لأول مرة هكتب شعر في حياتي من أجل صديق العمر علي ربيع.. من أول ما تقبلنا.. حسيت أنك راجل مش لوله حبي ليك كبير.. من غير سبب ولا علة.. صاحبي بجد عندي أحسن من البيت والفيلا.. نفسي نخرج ونلعب.. وناكل رز وبسلا.. مع الاعتذار للشعر والشعراء طبعًا.. كل سنة وأنت طيب وناجح ياصديقي».
فيما نشرت «ويزو» صورة لها مع علي ربيع، كتبت عليها: «العسل كل سنة وأنت طيب يا حلويات».
ونشرت سارة درزاوي صورة لـ«ربيع» من مشهد كوميدي في أحدى المسرحيات، كتب عليها: «طيب أنا مش عارفة أقولك أيه.. خلصت فيك كل الكلام.. كل سنة وأنت طيب ياعلي.. يارب دايمًا مضحكنا ومفرحنا بشغلك ونجاحك ياعسل».
أما محمد أنور فوجه له رسالة قال فيها: «أكتر واحد طيب وجدع وراجل ومحترم ودمه خفيف قابلته في حياتي.. وأنا كمتفرج من أكتر الناس اللى بتبسط لما بتفرج عليه وهو بيمثل يعني بعتبر نفسي آلتراس علي ربيع.. وبتبسط أكتر لما بمثل قدامه وبجد فرحان أن عرفت إنسان زيه ويارب نفضل سوا على طول.. كل سنة وأنت طيب ياراجل ياطيب».
وهنأ محمد التوب النجم الكوميدي بصورة أخرى له من أحد العروض المسرحية كتب عليها: «كل سنة وأنت طيب ياربيع وعقبال مليون سنة وناجح أن شاء الله».
في ذات السياق هنأ متابعي الفنان الكوميدي علي ربيع، بعيد ميلاده، عبر حساباته على مواقع التواصل الاجتماعي، بطرق كوميدية، من خلال نشر صورًا طريفة مركبة له، وبتصميمات كثيرة ومختلفة.
يذكر أن علي ربيع من مواليد 1989، وذاعت شهرته بسبب مشاهده الكوميدية الذي أداها في مسرح مصر، حتى لُقب بـ«أسطورة الكوميديا».
