كتب شاعر العامية الراحل أحمد فؤاد نجم قصيدة "ينصر دينك يالا بطل" على خلفية أحداث "الإسكندرية" التي وقعت في ليلة رأس السنة 2011.
وتعيد "البوابة نيوز" نشر القصيدة على خلفية الأحداث الإرهابية التي وقعت، صباح اليوم الأحد، في طنطا، والإسكندرية.
ينصر دينك يا بطل
قتلت ناس عُزًّل كتير
ستات، شيوخ وكمان عيال
أزحت عنا خطر كبير
دي ناس بتقول الله محبه
والمحبه دي شيء خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـميّتم بيعزّينا
اقتل ماري وطنط تريزا
دول ناس مافيهومشي ولا ميزة
دايمًا كده يبتسموا في وشك
ويقولوا أهلًا خطوة عزيزة
واقتل برضه عمّك حنا
في أي خناقة بيحوش عنّا
غاوي يصّلح بين الناس
ولا يمكن يوّرد على جنّة
واقتل سامي ناجي نجيب
أصل الإسم صراحة مريب
يمكن يطلع واحد منهم
أو داقق على إيده صليب
ولا أقولّك، إضرب شبرا
والكيت كات وميدان الأوبرا
فجّر واحدة في كل مكان
خلّي جيرانهم يصبحوا عبرا
لينا رب اسمه الكريم
ها يجي يوم تعرض عليه
تقف أمامه ويسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟