قال الرئيس عبد الفتاح السيسى معلقا على بيان وزير الزراعة حول المشروعات التنموية فى المجال الزراعى أنه من الضرورى إحاطة المواطن بكل ما يتم تنفيذه على أرض الواقع وتبسيط الأرقام لتكون هناك مشاركة حقيقية.
وأضاف السيسى، خلال زيارته لمحافظة قنا لافتتاح بعض المشروعات التنموية فى المحافظة، اليوم الأحد: "أنا بس بيهمنى فى هذه العروض أنها سياق نقدم بيه الموضوع للناس ونتحدث إليهم".
وتابع: "إنتاجنا السكر له علاقة بالنمو السكانى وزيادة استهلاك الفرد، الفرد كان بيستهلك 24 كيلو فى السنة بقى 34 كيلو، الموضوع مش نمو على الطلب بس بالنسبة لعدد السكان، إحنا كمان بنتكلم فى زيادة على الطلب مرتبطة باستهلاكنا".
وأوضح، موجها كلامه للمواطن: "بقول ده عشان حضرتك تبقى عارف إننا كدولة فى سباق لنوفر السلع دى بسعر مناسب، الكلام ده مرتبط بالقمح وسلع أساسية زى الزيت والسكر، وده ينطبق على استهلاكنا فى اللحوم والدواجن".
وأضاف: "بنقوله عشان نبقى عارفين ليه ظروفنا كده وليه كان ضرورى نعمل إصلاح اقتصادى يخلى قيمة الجنيه قيمة حقيقة"، متابعا: "الدولة كانت بتدعم سعر الجنيه بشكل أو آخر على مستوى الدولة، وده كان هياخدنا لمشكلة كبيرة إن مكنش أخدنا".