أمنية: طلب ضم مدة حبس عمر 8 شهور ظلم في قضية تانية طبقا للمادة 483 من قانون الاجراءات اترفض ومكمل لشهر 12
قالت أمنية مجدي زوجة الزميل الصحفي المحبوس عمر عبد المقصود إن طلب أسرة ومحامي عمر بضم مدة حبسه احتياطيا في قضيته السابقة والتي تم تبرئته فيها بعد 8 شهور من الحبس رفض متابعة أن عمر رغم أنه أنهى مدته في شهر إبريل سيستمر حتى شهر ديسمبر
وكتبت أمنية مجدي طلب ضم المدة اترفض وعمر هيكمل لشهر 12 !!! وتابعت في تدوينة على صفحتها ( عمر خلص ال 3 سنين اللي اتحكم عليه بيهم في قضية متلفقة أصلا من شهر أبريل اللي فات، وهو محبوس كان اتلفق له واحدة تانية قضى فيها 8 شهور واخد براءة فيها في الاخر .. دلوقتي مطلوب منه يقضي نفس الـ 8 شهور تاني في القضية الاولى عشان هما حاسبين كل مدة لوحدها وملهمش دعوة انها كانت قضية من الداخل ولا انها كانت في نفس التوقيت ولا حتى انه اخد براءة فيها! )
وواصلت أمنية (يعني دلوقت عمر هيقضي 3 سنين و 8 شهور مع انه محكوم عليه ب 3 بس )!
ونشرت أمنية نص المادة 483 من قانون الاجراءات الجنائية والتي تنص على أنه ( إذا حكم ببراءة المتهم من الجريمة التي حبس احتياطيا من أجلها وجب خصم مدة الحبس من المدة المحكوم بها في أية جريمة أخرى يكون قد ارتكبها أو حقق معه فيها في أثناء الحبس الاحتياطي )
وتابعت «لأنهم ماشيين بقانون تاني منعرفهوش طبعا .. الطلب اترفض »!