لو جوزي طردني من البيت؟.. سؤال يطارد أذهان العديد من السيدات المصريات اللاتي تزوجن سعيًا للبحث عن الاستقرار والأمان والطمأنينة، والوصول إلي "عش الزوجية"، لكن عادة ما يتفاجأن بشخص جديد بعد الزواج، ولا يتردد في طرد الزوجة من بيتها.
وانتشرت مؤخرا تساؤلات عديدة لبعض الفتيات عبر موقع التواصل الاجتماعي "فيسبوك"، بخصوص مسلسل "لأعلي سعر" للفنانة نيللي كريم والفنان أحمد فهمي.
واندهشت الكثيرات من رد فعل الزوج أحمد فهمي بطرده زوجته نيللي كريم من الشقة الخاصة بها، وخاصة بعد خيانتها مع أقرب صديقة لها، والتي أدت دورها "نيللي كريم".
وفي حديث مع بعض الفتيات بخصوص رد الفعل اذا طردك زوجك من البيت، قالت "آلاء هاني ": "هرفع عليه قضية وآخد العيال غصب عنه، مش هحاول اني انتقم منه، كفاية عليه قضية خلع، ويتذل قدام الناس كلها.
بينما قالت "منة رشا": "هطلب منه الطلاق، وآخد كل مستحقاتي، العفش والنفقة وغيرها، ولو مرديش يعمل كده بالذوق هرفع عليه قضية خلع واضطر ألجأ للمحكمة عشان تاخدلي حقي منه، لو مرضيش ينهي الموضوع بالمعروف، لأن الشخص ده ما يستحقش أندم عليه أبدا، وابتدي الحق السنين اللي جاية من عمري".
وقالت "سمر مرسي":"هقتله، ومش هسمحله اني يخرجني من الشقة الخاصة بيا، وخاصة لو معايا أطفال هربيهم، ازاي يطردني بعد جواز وحب وأطفال".
وذكرت "آية سامح" "لو عمل كده همشي بكرامتي، الجواز مش شقة وعفش وماديات، ده حب وتراحم وأسرة وكيان واحد، اما نعيشهم سوا مع بعض واما كل واحد يروح في طريق لحاله وخلاص، وانا هستفاد ايه بالشقة والعفش لو جوزي مش عايزني وطردني من شقتي".
وقالت "نور كمال":" لو باقية عليه اشتكي لأهله وهما يتصرفوا ويعتذرولي قدام الناس، ولو مش باقية عليه هعمل محضر محترم وادفع لمحامي كويس وهو هيظبطه ويبهدله لف حوالين نفسه"، بينما قالت "دينا مسعد": "هفرج عليه الشارع كله واعرفهم انه طردني عشان يجيبولي حقي منه".