كتير من الستات في رمضان بيكون اهتمامهم منصب على شغل البيت والعبادة والزيارات العائلية، وبيفضلوا يتجنبوا العلاقة الحميمة تمامًا، وبيقرروا يتفرغوا للمشاغل السابقة، وده بيكون ليه تأثير سيء على علاقتهم بأزواجهم ده غير انه بيسبب فتور في العلاقة، ولأن العلاقة الجنسية مهمة لعلاقتك بجوزك وبتقلل التوتر وبتحسن المزاج، لهلوبة هتقولك ازاي تنظمي علاقتك الحميمة بجوزك في كل وقت في رمضان:
- بعد الفطار مباشرة:
ممارسة العلاقة الجنسية بعد الفطار مباشرة مضرة، لكن يفضل تقضي وقت رومانسي مع جوزك خصوصًا لو كنتوا لسه في السنة الأولى، اما بعد مرور ساعتين على الفطار ممكن يكون وقت مثالي لممارسة العلاقة الجنسية.
- خلال فترة الصيام:
خلال فترة الصيام مسموح يكون في قبلات بين الازواج، بس المهم انها تكون بنية الحب مش الشهوة، يعنى متكونش بداية لممارسة العلاقة، فممكن تكون علاقتك بجوزك في نهار رمضان مش جافة تمامًا من الحب والتعبيرعن المشاعر، ده بيخلي علاقتكم أفضل، وبيمهد للعلاقة الجنسية بعد الفطار.
- اختيار احسن وقت للعلاقة:
من ضمن أسباب نجاح العلاقة الجنسية في رمضان، اختيار الوقت لأن زي ما قولنا في أوقات بتبقى مش مناسبة وغلط وأوقات تانية محرمة دينيا، علشان كده لازم تختاروا أوقات ممارسة العلاقة في رمضان، لأنها علاقة مينفعش تمنعيها شهر كامل علشان مهمة للصحة النفسية والجسدية ليكم انتوا الاتنين.