الدايت والرياضة حاجات مرهقة ومحتاجة التزام كبير، لو مش هتقدري عليهم بلاش تيأسي دي مش نهاية العالم، تقدري تعملي 3 عادات يومية هيخلوكي تحرقي أكتر وتحافظي على رشاقتك، لهلوبة هتعرفك عليهم في السطور الجاية:
1- التنفس:
التنفس الصحيح بيدخل الأكسجين للجسم واللي بيساعد على زيادة الحرق، علشان كده مهم جدًا نعمل تمرينات نفس كل يوم، ده هيدينا وسط رفيع وعضلات بطن مشدودة وقوية، لأن التنفس الصح بيبقى بمساعدة البطن.
2- الحمام البارد بعد السخن:
عشان جسمك يبقى خالي من السيليوليت والدهون تحت الجلد، بعد ما تخلصي حمامك السخن اشطقي جسمك كله بميه باردة أو العكس، لو بتستحمي بميه باردة اشطفي جسمك بميه سخنة، لان الاختلاف في درجات الحرارة بيسيح الدهون تحت الجلد.
3- المساج:
المساج بيساعد الجسم يتخلص من الدهون المتخزنة تحت الجلد، علشان كده جربيه، كمان هيساعدك على تحسين الدورة الدموية وحركة الأمعاء، وممكن تعملي لنفسك مساج او تطلبي مساعدة متخصص.