عيد الفطر دايما بيبقى موسم أفراح وخطوبات، ولو عايزة فرحك يبقى مختلف عن أي فرح تاني بيتعمل في العيد اختارى له طابع شرقي وعربي من أوله لآخره و لهلوبة بتساعدك وتقدملك أفكار جديدة ومختلفة.
- الدعوات:
خلي دعوات الفرح بتاعتك مميزة بإنها تكون منقوشة نقشات عربية وتصميمها له طراز شرقي أصيل.
- الفستان:
اختاري فستان يكون شبه التصميمات العربية الخاصه بينا وابعدي عن الفساتين الغربية المعتادة المملة، التصميمات العربي أقرب للعبايات شوية لكن وبتجعل صورتك اقرب لاميرة متوجة في فرحك.
- البوفيه:
جربي تتمردي ويبقى البوفيه من الحلويات الشرقية، ولو الفرح في أيام العيد خليه من الكحك والبسكويت وحلويات العيد .
- التورتة:
صممي تورتة الفرح على الطراز العربي، التكلفه مش زيادة لأنها نفس التورتة العادية بس التزيين شكله مختلف على الطريقة الشرقية.
- الهدايا:
لو عادات الفرح فى بلدك فيها توزيع هدايا على المعازيم، قدمي الهدية في علب على شكل فانوس بما انك لسه خارجة من رمضان.
- الحنة:
ارسمي حنة بتصميمات عربية، الحنة العربي ليها جمال وسحر خاص بيها.