مفيش شك ان الشخصية المرحة اهم بكتير من الشكل الحلو، وكتير من الستات بينجذبوا للراجل اللي دمه خفيف وبيعرف يضحكها، ولهلوبة هتقولك الاسباب:
1- الرجل المرح عنده قدرة كبيرة انه يسعد شريكة حياته، ويرسم الابتستمة على شفايفها.
2- متفائل، وده بينعكس على تصرفاته اللي بتجعه واخد الدنيا ببساطة، مهما اتعرض لمشاكل او ظروف ومهما بلغت التزاماته.
3- بيحافظ على جمال المرأة بطريقة غير مباشرة، لان الضحك والابتسامة ليهم اثر فعال في الحفاظ على الصحة النفسية والجسدية.
4- واثق جدا في نفسه، وقادر على اسعاد شريكة حياته مهما كان مشغول او مهموم.
5- هتحسي معاه كانك طفلة صغيرة ومدللة، وده الشعور اللي كتير من الستات بيعشقوه.
6- الحياة معاه متجددة وغير ورتينة، ومفيش اي مجال للملل او الرتابة.
7- المرأة بتعشق الرجل اللي دمه خفيف، لانه بيزود من قوتها، وبيشجعها على التفاؤل وتخطي الصعاب.