قال الرئيس عبد الفتاح السيسى، إن الحد الأدنى لإنفاق الدولة على التعليم فى السنة الواحدة للطالب فى الخارج يقدر بـ10 آلاف دولار، وهذا رقم متواضع.
وأضاف الرئيس فى جلسة "مصر 2030" بمؤتمر الشباب بمكتبة الإسكندرية: "اتعودت معاكم أن تفكروا قبل ما تتكلموا، هو أنا مش عارف إن المرتبات مش جيدة، وبطلب تعليم مختلف عشان الناس يبقى عندها فكر نقدى، ويكون عندهم طرح إيجابى وليس طرح للطرح فقط".
وأكمل الرئيس: "ما تزعلش على حال بلدك، لأننا مصممين نعبر، إحنا بنقعد كل شهر عشان نسمع بعض ونشكى لبعض حال بلدنا".
وأوضح أن 10 آلاف جنيه فى السنة لكل طالب من 18 مليون، يعنى أن تكلفة التعليم 180 مليار جنيه سنويًا.
وقال الرئيس: "أكتر حاجة بخاف عليها إن الوعى بتاعنا ما يبقاش كامل، وبقول اللى عايز يتدخل فى مصر لازم يعرف هى بتصرف أد إيه".
وتابع الرئيس السيسى: "لما نعمل صرف صحى لـ40 % من 4800 قرية، فى 3 سنوات فهذا إنجاز كبير".