الست الحامل لازم يبقى ليها نظام أكل وشرب مختلف عن حياتها قبل الحمل، لان فيه حاجات ليها آثار جانبية خطيرة على الأم والطفل كمان، ومن اخطر المشروبات على صحة الحامل هي المياه الغازية الدايت لانها:
- تسبب بدانة الطفل من أول سن 7 سنوات، وتلاحظي ان ابنك اتخن من الأطفال في سنه، وده ناتج عن المواد اللي وصلتله من اللي شربتيه وأنتي حامل.
- الستات في الحمل بيحسوا انهم محتاجين مشروبات كتير علشان كده بيتناولوا الدايت وده خطر على جسمهم لأن في مواد حافظة بتدخل الجسم وتأذيه وتوصل لجسم الطفل كمان.
- المشروبات الدايت مفيش فيها اي فرق بالعكس بتدخل الجسم سعرات حرارية وبتقلل استهلاك الميه وده يؤدي لحدوث جفاف.
وبما ان الحامل لازم تشرب مشروبات كتير لأن جسمها في حاجة للسوايل، مسموح لها تشرب أي نوع عصاير أو مشروبات سكرها طبيعي، وتحديدا الميه والحليب كامل الدسم، ويفضل لو اعتمدت على العصاير الطبيعية من غير اضافة سكر، لأن زيادة السكريات ممكن تسبب مشاكل صحية للام والجنين.