كل ست عايزة تعيش حياة رومانسية هادية مع جوزها، وده بيجعلها باسم الحب تقوم بأدوار وتعمل حاجات مش مفروض أبدًا تعملها، الا ان ده بيأثر بالسلب بعد كده على علاقتها بيه، وممكن يعمل المشاكل ويزودها علشان كده لهلوبة هتعرفك على الحاجات دي، علشان تتجنبي وتركزي اكتر وانتي بتعمليها، واللي هي:
1- حلي ليه كل مشاكله:
اكيد أي شخص عنده مشاكل سواء مادية أو في الشغل، دورك في حياته انك تساعديه في حل بعضها، لكن اوعي تكوني الفانوس السحري اللي بيحل أي أزمة يتعرض ليها، لأن ده بيجعله شخص غير مسئول وغير متحمل لمسئولية مستقبله.
2- هدايا غالية على طول:
لأن الهدية مش بتمنها، لازم هو كمان يفهم ده كويس، مهم الهدية تكون مناسبة للحدث أو السبب اللي قررتي علشانه تهديها ليه.
3- انك تكوني الشخص اللي بيبكي عنده:
على عكس الستات، مش معنى انه بيطلع مشاعره السلبيه عنده وبيبكي معاكي وبيديكي مساحة تدعميه نفسيا وروحيا، ان علاقتكم مستقرة وعميقة، لأن الراجل بيحب يظهر دايما قوي قدام الست اللي بيحبها ومش بيحب يحس انها بتشعر ناحيته بالأسى.
4- تحسسيه بانك أقوى منه:
الرجالة بتحب تكون ليها وضعها في العلاقات العاطفية، علشان كده لازم تحافظى كويس جدًا على النقطة دي، لأن لو حس انك أقوى منه ده معناه ان وضعه في العلاقة ضعيف وده بيجعله يضايق منك.
5- تضحى بشغلك وحياتك:
بلاش حبك ليه يجعلك تضحي بكل حاجة علشانه، يعنى شغلك وحياتك الخاصة مهمين جدًا اوعي تضحي بيهم مهما كانت قوة علاقتك بيه.
6- تغيري مظهرك كله علشانه:
أكيد أي ست حلمها انها تظهر بشكل كويس أمام الراجل اللي بتحبه، لكن ده مش معناه خالص انك تغييري شكلك كله وطريقة لبسك علشانه، خصوصًا إذا كان بيضغط عليكي بطريقة مزعجة، لكن فى الوقت نفسه لو طلب منك تغيري حاجة باسلوب إنتى شايفة انه لطيف اعملى كده، لأن ده بيعزز التواصل العاطفي بينكم وبيقوى العلاقة.