حسناء الديباوي أحد الناشطات على موقع "فيس بوك"، كتبت رسالة على صفحتها الشخصية إلى "آية" التي لا تعرفها، آية التي سمعت خطيبها في الميكروباص يتآمر عليها ويخطط لخطبة فتاة أخرى وأخذ الشبكة وفلوس الجمعية، حيث كتبت: "إلى آية القاطنة بمدينة العاشر من رمضان وخطيبك من طنطا وبيشتغل في العاشر وبكرة هيروح معاكي فرح بنت خالتك، خطيبك قاعد دلوقتي ورايا في الميكروباص في طريقه للعاشر وبيتفق عليكي مع واحدة اسمها ريهام عشان يسيبك ويخطبها بس بيشوفوا طريقة عشان ترجعيله الشبكة وغالبًا هيقولك إن عنده أزمة مادية وعايز ياخد منك كمان 15000 جنيه فلوس الجمعية اللي هتقبضيها أول الشهر".
الرسالة التي اهتم بها الألاف من جمهور السوشيال ميديا حققت مفادها ووصلت بالفعل إلى الفتاة المطلوبة، وذلك وفقا لصديقة آية المقربة مريم خالد النجار التي كتبت على صفحتها: "آيه فركشت الخطوبة وهتاخد حقها تالت ومتلت، ونشكر حسناء على الموقف الجدع جدا، احنا لازم نشتغل في المخابرات يابنات، إن كيدهن عظيم"، وأشارت مريم، إلى أن خطيب آية المتآمر اختفى تماما منذ انتشار "البوست" على موقع "فيس بوك" ولا يرد على تليفونه.
على صفحتها الشخصية ردت آية حامد - التي تآمر عليها خطيبها - باقتضاب وكتبت: "الخطوبة الأولي اتعملت عشان تتفركش معروفة يعني"، ووفقا لصفحتها الشخصية فأن آية تدرس في كلية الآداب جامعة عين شمس وتعيش في مدينة العاشر من رمضان.