الحضن هو التقاء روحي والتحام بين جسدين وله تأثير كبير في تحسين الحالة النفسية وزيادة الثقة بالنفس والاحساس بالاحتواء من الطرفين، وفيه بعض الرجال قدرتهم في التعبير عن مشاعرهم بالكلام بتكون ضعيفة، لكن بيقدروا يعبروا عنها من خلال التعبير الجسدي وبالتحديد من خلال الاحضان اللي فيها منها 9 انواع مختلفة، لهلوبة هتقولك عليهم:
1- الحضن من الخلف:
معناه انه مستعد لحمايتك من كل المصاعب وانه قادر على تحمل المسؤولية واي حاجة ممكن تواجهكم، وهتلاقي نفسك بعد الحضن ده حاسة بالامان ومطمئنة.
2- الحضن من الوسط:
بيتكلم عن نفسه وبيشرح معناه، حتى لو كان مفيش اي حاجة بينك وبين الشخص ده، بيعبر انه عايز يقضي معاكي اطول وقت ممكن، لكن لازم تكوني حذرة، لان الرجالة دول بيكون معظمهم لسه خارج من حدوتة حب وعنده فراغ عاطفي.
3- حضن الرأس مع طبطة على الضهر:
من اكتر انواع الاحضان المنتشرة في اي علاقة رومانسية بين طرفين بيحبوا بعض، ومعناه انه بيدعمك وبيسمعك ويعتبر افضل صديق ليكي.
4- الحضن مع النظر في العين:
لو حبيبك حضنك بلطف ونظر في عينيك بشكل مباشر، ده يعتبر رمز اتصال حقيقي وعميق بينكم، ومعناه كمان انه بيقدرك، وان علاقتكم مستقبلها مشرق.
5- حضن جسر لندن:
بيكون مهذب وفيه مسافة قليلة بينكم، وعادة بيكون بين اتنين غير مرتبطين بأي علاقة عاطفية مثلا كنتي معزومة مع العشا وحضنتي صاحبتك او عمتك او اخوكي.
6- الحضن الطويل:
من الاحضان المألوفة عندنا كلنا، وبيحصل لما بنكون محتاجين للدعم او التشجيع من شخص بنحبه وبيحبنا، ووقتها بنحس اننا في حاجة للحضن وبس، وبنشعر ان الشخص اللي بيحضنا بيبلغنا انه معانا في اوقات الحزن والفرح، وده مهم جدا بالنسبالنا.
7- الحضن بايد واحدة:
لما الشخص اللي حاضنك يكون واضع ايده على كتفك، تحسي كده انه واخدك تحت جناحه ومحتويكي وبيحاول يحميكي من اي مشكلة ممكن تقابلك، وده دليل على انه رجل قادر على تحمل المسؤولية كويس.
8- حضن شقي:
ده بيعبر على ان شريك حياتك مش قادر ينتظر على انكم تنتقلوا لمرحلة جديدة في علاقتكم ببعض، وبيسعى بسرعة انه يثبت انك تخصيه هو لوحده، وللاسف هو حقيقي غير مراقب لحركات ايده، وبيحبك لدرجة ان مشاعره مش مستحملة من كتر الانتظار انكم تكونوا مع بعض.
9- حضن قوي:
لو شريك حياتك حضنك بقوة لدرجة انك حسيتي وقتها ان عضلات ضهرك هتتكسر، فانتي محظوظة لانه بيعاملك بشكل كويس جدا وبيحبك بدرجة كبيرة، والرجال من النوع ده مخلصين ورومانسيين، وبيحلموا بتكوين عيلة سعيدة مع شريكة حياتهم.
