أي علاقة في الدنيا طبيعي أنها تمر بفترة ملل وبردو فيها، وطبعا ده بيحصل بين الأزواج، لكن الخطر هنا ان الاحساس ده يستمر ويطول لأن ممكن جدا انه يقضي على العلاقة كلها، ولان استقرار حياتك يهم لهلوبة، قررت تقولك ايه علامات الزهق والملل اللي بتبان على زوجك علشان تاخدي بالك وتركزي وتتعاملي معاها.
1- لما الزوج بيمل من مراته، بيكون مش طايق يقعد في البيت فترة طويلة، وبيتعمد انه يتأخر علشان يقضي اكبر وقت ممكن بره البيت، وبيبرر تصرفه بانه مشغول في عمله او بمشاكل اصدقائه.
2- قلة التواصل بين الزوج والزوجة، وعدم مشاركته في النشاطات الهامة اللي بتجمع بينكم وقلة كلامه معاكي وعدم استماعه ليكي، دي علامة بتدل على ملله.
3- الزوج لما بيحس بالملل من مراته بيفضل يكون قاعد ساكت فترة طويلة، لانه غرقان في التفكير باللي حاسس بيه، كمان بيفقد القدرة على ممارسة اي حاجة.
4- مهما عملت الزجة ليه هتلاقيه غير مقدر لجهودها في انعاش العلاقة بينهم.
5- لما الرجل بيمل من مراته، بتضيع بينهم مشاعر الحب والمودة، وبيظهر الحزن والبرود في علاقتهم، ده بيؤدي لتراجع الرغبة الجنسية وتتأثر بشكل سلبي، وبتبقى باهتة مسيطر عليها الملل والفتور.
6- لما الزوج بيمل من زوجته، بيشوف دايمًا الحاجة اللي تغضبه وتضايقه منها، وبيحس انها السبب في كل المشاكل، ودايمًا يلومها على اي تصرف لها.