فكرتي في مرة ان ممكن تستغلي ورق الجرايد القديم في رسم ضوافرك؟ وممن كمان تختاري كلمات معينة منها او رسمة كرتونية وتجعليها بارزة عليهم، ولهلوبة هتقولك ازاي في الخطوات اللي جاية.
الادوات:
مانيكير شفاف و ابيض ورمادي - ورق جرايد - كحول طبي - عود خشبي - مزيل للمانيكير.
الطريقة:
1- اخلطي المانيكر الرمادي مع الابيض بعود خشبي.
2- اطلي ضوافرك بمانيكير شفاف واتركيه ينشف، بعدين ضعي عليه المانيكير الرمادي الفاتح.
3- اغمسي ضوافرك في كحول طبي واتركيه لثواني.
4- ضعي قطعة صغيرة من ورق الجرايد على الضافر المبلول واضغطي عليه بصوابعين من الإيد التانية، هتلاحظي ان الكلمات اللي على الجرايد اطبعت عليه.
5- زيلي اي زوايد من حوالين الضوافر.
6- ضعي مانيكير شفاف على ضوافرك.