وتستمر مفاجآت جروب "جت في السوستة"- أكبر جروب مغلق يجمع الشباب فقط علي مواقع التواصل الاجتماعي- حيث أعاد الجروب شقيقان لبعضهما بعد غياب 17 عاما بسبب ظروف عائلية أدت إلي تفرقة الشقيقين.
وقال محمود يوسف، أحد أعضاء الجروب:" الحمدلله الذى بنعمته تتم الصالحات بشكر جروب جت في السوستة، بعد ربنا لأنه سبب في خير كتير يحصل، تقريبا اخر مره شوفت اخويا كان من 17 سنه وكل الاخبار بعد كده اتقطعت بسبب ظروف عائليه".
وتابع :" بس عرفت حد فى السجل المدنى واديته البيانات ادانى اسم الشارع اللى هو فيه وبس ولا مثلا رقم كذا او متفرع من كذا والناس اللى فى الغردقة تعرف شارع #الاستاد انه مش شارع صغير وانه مش سهل تنزل تدور على حد فيه متعرفش غير اسمه ويا عالم اصلا لسه هناك".
وقال :" يقوم يفاجئنى راجل محترم من الجروب يعرفني سكه اخويا واقدر من خلاله اعرف رقم تليفونه واوصله ومش قادر استوعب لحد دلوقتى انى وصلتله وكلمته بفضل ربنا ثم اخواتى السوستجية ؛ وياريت الناس متحكمش على حاجه من غير ماتعيش نفس الظروف".