انانية الزوج ممكن تكون سبب اساسي لوجود مشاكل كتير في علاقتكم ببعض، لانه دايما بيفكر في نفسه واحتياجاته وطلباته هو بس، واي حد تاني غير مهم بالنسبة ليه، حتى لو كان الحد ده مراته، ولو كنتي بتعاني من المشكلة دي مع جوزك، لهلوبة هتقولك ازاي تتعاملي معاه بطريقة صحيحة.
1- بلاش تهمليه وتبعدي عنه:
بالعكس انتي لازم تقربي منه اكتر، علشان تخلقي فرصة انه يقرب منك، والقرب ده مع الوقت هيغير فيه ويجعله يفكر فيكي وفي اطفالكم.
2- اسمعيه كويس:
اهتمي بكل التفاصيل والكلام اللي هيقولهولك، واعرفي النشاطات والحاجات اللي بيحبها واشغليه بيها، خصوصا اللي بتتطلب جهد جماعي وتعامل مع الآخرين.
3- الوفاء بالتزاماته:
لازم تكوني وفيه بكل التزماته مهما كان اناني، لان طريقتك معاه ممكن تسبب انه يتغير.
4- عامليه بعطف وحنان:
واساليه عن شعوره ناحيتك، وحاولي تشرحيله ان انت واطفالكم محتاجين تحسوا انكم من ضمن اولوياته ومهمين عنده.
5- صارحيه بطموحك فيه:
قوليله كل اللي بتحلمي انه يعملهولك، واطلبي منه يشاركك في نشاطات معينة، او حتى التعبير عن حبه ليكي، فالشخص الاناني اوقات كتير بيكون غير مدرك لانانيته.