بسبب تعرض الشعر للحرارة والاتربة والاستخدام الغلط لمستحضرات التجميل، بيتقصف ويكون هايش، وطبعا دي مشكلة مزعجة عند كتير من الستات ويفضل تعالجيه باستخدام مواد طبيعية، علشان كده لهلوبة جابتلك طريقة عمل سيروم الحنة في البيت، علشان يستعيد حيويته من جديد.
المكونات:
ملعقتين حنة - 4 ملاعق من زيت الصبار - 4 ملاعق من زيت جوز الهند - 4 كبسولات فيتامين هـ - 3 ملاعق زيت جوجوبا.
طريقة التحضير:
1- سخني زيت جوز الهند على نار هادية، بعدبن ضيفيله الحنة وقلبيهم كويس لحد لما لونهم يبقى بني غامق.
2- صفي الزيت كويس باستخدام مصفاة او شاش نضيف، واتركي الخليط يبرد.
3- ضيفي زيت الصبار والجوجوبا وكبسولات فيتامين هـ للخليط.
4- ضعي السيروم في ازازة سبراي نضيفة.
الاستخدام:
رشي كمية قليلة من السيروم على الشعر المبلول او الجاف ودلكي شعرك كويس خصوصًا على الجذور والاطراف، كرري العملية كل يوم لمدة شهر، بعدين مرتين في الاسبوع، علشان تحصلي على النتيجة اللي عايزاها.