تعرضت الفنانة رانيا يوسف لانتقادات لاذعة بعد نشرها لصورة بملابس صيفية مع رئيس نادي برشلونة على حسابها الرسمي بموقع التواصل الاجتماعي "انستجرام"،
ووصلت التعليقات على الصورة إلى حد الإهانة والتي جاء بها: "كدا برشلونة مش هيحتاج باك شمال ولا هاف شمال علشان الشمال كله في الملعب"، "وانا اقول الصفقات ما فيهاش بركه ليه قولت لي بقى لا واللي عايز يمشي ميسي خبيث لابورتا خبيث"، "صورة الأجنبي بالأحضان ويضع الأيادي علي حضرتك..ده تقدم واجمد رئيس نادي في العالم.. ملحوظة ربنا يشفكي إن شاء الله"، "ممكن نعرف اجمد ازاي يعني من أي ناحية لان لابورتا من 10 سنوات ما مسك نادي فممكن نفهم".
الأمر الذي جعل الفنانة رانيا يوسف تنشر عدة صور للمتحرشين بها وتعلق على الأمر قائلة: "قمة الوقاحة وقلة الأدب علشان صورة اتصورتها ... قبلت الضحك وقولت طبيعي مش لازم نقف على كلمة عادية إنما توصل لهاشتاج عنوانه قذر زي كل شخص مشارك فيه لمجرد أن واحدة ست شجعت الكورة أو بتتكلم عنها .. متحرشين أقذر من بعض بكل واحد مشارك في الهاشتاج ده .. متحرشين ولازم يتفضحوا".
ولكن أكثر تعليق جعلها تهدد باللجوء للقضاء كان: "أنا من اول ما شوفت الترنيد ونا قولت محدش بيتهزق غيرك وفطسانه على نفسي من الضحك تعالي اضحكي كانت عايزه تاخد التريند بس خدته صح"، "ستاذة راينا مضايقة اوي من الناس اللي بتقول ألفاظ مش لطيفة في حقها مع ان الألفاظ دي لو كانت اتقالت في فيلم او مسلسل كانت هتبقى عادي وفي السياق الدرامي"، "يعني انتي يافنانه حاطه نفسك باك شمال ومش عايزينهم يطلعوكي ع المسرح تيجي ازاي كل الدعم يافنانه انا وجمهورك في ضهرك دايما وعمرنا مهنتخلي عنك"، "وأنتي زعلانة ليه يا فنانة ما أنتي جمهورك كله من المتحرشين".
"حقيقي الفنان اللي بيحترم جمهوره الجمهور بيحترمه"، "كان المفروض ان تكوني حذرة، لأنك اسفزيتي كل جمهورك من محبي ومشجعي الريال وادخلي نفسك في حلبة الصراع بين مشجعي الفريقين وفيهم ثقافات واخلاقيات مختلفة وأنا توقعت ان تحدث مثل هذه الإساءة"، "صاحبه مقوله عندك حاكه حلوه لازم تعرضها".
يُذكر أن الفنانة رانيا يوسف كانت قد شاركت في الموسم الرمضاني لهذا العام بمسلسل "ملوك الجدعنة"، بطولة مصطفى شعبان، عمرو سعد، ياسمين رئيس، دلال عبد العزيز، عمرو عبد الجليل، أحمد صفوت، فرح يوسف، وليد فواز، أيمن الشيوي، علاء قوقة، فراس سعيد وبسمة داوود من تأليف أمين جمال وعبير سليمان، إخراج أحمد خالد موسى.
كما شاركت في مسلسل "وكل ما نفترق" بطولة ريهام حجاج، أحمد فهمى، أيتن عامر، سلوى خطاب، محمد الشرنوبى، طارق عبد العزيز، أحمد صيام، رحاب الجمل، قصة محمد أمين راضى، سيناريو وحوار أحمد وائل وياسر عبد المجيد، وإنتاج مشترك بين المتحدة للخدمات الإعلامية وطارق الجناينى، إلا أن هذا العمل لم يلقى النجاح الجماهيري الذي كان متوقع له.